മുംബൈ നേവൽ ഡോക്യാർഡിൽ 118 അപ്പ്രെൻറ്റിസ്

മുംബൈ നേവൽ ഡോക്യാർഡിന്റെ അപ്പ്രെന്റിസ് സ്‌കൂളിൽ വിവിധ ട്രേഡുകളിലായി 118 ഒഴിവുകളിലേക്ക് അപേക്ഷകൾ ക്ഷണിച്ചു. തെരഞ്ഞെടുക്കപ്പെടുന്നവർക്ക് സ്റ്റൈപ്പൻഡ് ലഭിക്കും.50 ശതമാനം മാർക്കോടെ എസ്.എസ്.എൽ.സി., 65 ശതമാനം മാർക്കോടെ ബന്ധപ്പെട്ട ട്രേഡിൽ ഐ.ടി.ഐ എന്നിവയാണ് യോഗ്യത. 1997 ഏപ്രിൽ 1 നും 2004 മാർച്ച് 31നും ഇടയിൽ ജനിച്ചവരായിരിക്കണം അപേക്ഷകർ. അപേക്ഷകൾ http://www.bharatiseva.com എന്ന വെബ്സൈറ്റിൽ ഓൺലൈനായി അപേക്ഷിക്കണം. ഓൺലൈൻ അപേക്ഷയ്‌ക്കൊപ്പം പാസ്പോർട്ട് സൈസ് ഫോട്ടോയും സർട്ടിഫിക്കറ്റുകളും അപ്ലോഡ് ചെയ്യണം. വിശദവിവരങ്ങൾക്കായി വെബ്‌സൈറ്റ് സന്ദർശിക്കുക. ഓൺലൈൻ അപേക്ഷ സ്വീകരിക്കുന്ന തിയതി നവംബർ 9.