സെപ്റ്റംബർ 6 ന് ആരംഭിക്കാനിരുന്ന പ്ലസ് വണ പരീക്ഷ സുപ്രീം കോടതി സ്റ്റേ ചെയ്തു. കോവിഡിന്റെ സാഹചര്യം കണക്കിലെടുത്താണ് തീരുമാനം. കേരളത്തിലെ കൊവിഡ് സാഹചര്യം ഭീതിജനകമാണെന്ന് സുപ്രീം കോടതി അറിയിച്ചു.
സെപ്റ്റംബർ 13 വരെ പ്ലസ് വൺ പരീക്ഷ നടത്തരുതെന്ന് കോടതി നിർദേശമുണ്ട്. പരീക്ഷ നടത്താൻ തീരുമാനിച്ചത് കൊവിഡ് സാഹചര്യം കണക്കിലെടുക്കാതെയാണെന്ന് കോടതി നിരീക്ഷിച്ചു. രാജ്യത്തെ 70 ശതമാനം കോവിഡ് കേസുകളും കേരളത്തിലാണ് റിപ്പോർട്ട് ചെയ്യുന്നത്. കുട്ടികളെ അപകട സാഹചര്യത്തിലേക്ക് തള്ളിവിടാൻ സാധിക്കില്ലെന്നും സുപ്രീം കോടതി അറിയിച്ചു. ജസ്റ്റിസ് എ.എം ഖാൻ വിൽക്കർ അധ്യക്ഷനായ ബെഞ്ചിൻ്റേതാണ് തീരുമാനം.
