സ്റ്റേറ്റ് എലിജിബിലിറ്റി ടെസ്റ്റ് അഥവാ സെറ്റ് ആണ് കേരളത്തിലെ ഹയർ സെക്കന്ററി അധ്യാപകരുടെയും വി എച്ച് എസ് സി യിലെ നോൺ വൊക്കേഷണൽ അധ്യാപകരുടെയും നിയമന യോഗ്യത. ബന്ധപ്പെട്ട വിഷയത്തിൽ 50 % മാർക്കോടെ മാസ്റ്റർ ബിരുദവും, ഏതെങ്കിലും വിഷയത്തിൽ ബി എഡും നേടിയവർക്കാണ് സെറ്റ് എഴുതാൻ കഴിയുക. എന്നാൽ ചില വിഭാഗക്കാർക്ക് ബി എഡ് ഇല്ലാതെ തന്നെ സെറ്റ് പരീക്ഷ എഴുതാൻ അനുവാദമുണ്ട്.
- ആന്ത്രപ്പോളജി
- കൊമേഴ്സ്
- ഗാന്ധിയൻ സ്റ്റഡീസ്
- ജിയോളജി
- ഹോം സയൻസ്
- ജേണലിസം
- മ്യൂസിക്
- ഫിലോസഫി
- സൈക്കോളജി
- സോഷ്യൽ വർക്
- സോഷ്യോളജി
- സ്റ്റാറ്റിസ്റ്റിക്സ്
എന്നീ വിഷയക്കാർക്ക് സെറ്റ് പരീക്ഷ എഴുതാൻ ബി എഡ് നിർബന്ധമില്ല. അറബിക്, ഹിന്ദി, ഉറുദു എന്നീ വിഷയങ്ങളിൽ ഡിഎൽഎഡ് / ടിടിസി യോഗ്യതയുള്ളവർക്കും ബിഎഡ് നിർബന്ധമല്ല.
ബി എഡ് ഇല്ലാതെ സെറ്റ് എഴുതാമെങ്കിലും അധ്യാപക നിയമന സമയത്ത് സ്പെഷ്യൽ റൂൾസ് പ്രകാരം ബി എഡ് യോഗ്യത ഉണ്ടായിരിക്കണം.