സംസ്കൃത സർവ്വകലാശാലയിൽ പക്കമേളക്കാരുടെ ഒഴിവുകൾ

ശ്രീ ശങ്കരാചാര്യ സംസ്കൃത സർവ്വകലാശാലയുടെ കാലടി മുഖ്യക്യാമ്പസിലെ നൃത്ത വിഭാഗത്തിൽ പക്കമേളക്കാരുടെ ഒഴിവുകളിലേയ്ക്ക് വാക്ക് – ഇൻ – ഇന്റർവ്യൂ ജൂലൈ 13 ന് രാവിലെ 10ന് മോഹിനിയാട്ടം വിഭാഗത്തിൽ നടക്കും. മൃദംഗം, നൃത്തസംഗീതം, വയലിൻ എന്നീ വിഭാഗങ്ങളിൽ ഓരോ ഒഴിവുകളാണുളളത്. അതാത് വിഷയങ്ങളിൽ എം. എ. യ്ക്ക് 55% മാർക്ക് (എസ്. സി. / എസ്. ടി. വിഭാഗക്കാർക്ക് 50%) നേടിയവർക്ക് പങ്കെടുക്കാം. ഇന്റർവ്യൂവിന് ആവശ്യമായ സംഗീത, വാദ്യ ഉപകരണങ്ങൾ ഉദ്യോഗാർത്ഥികൾ കൊണ്ടുവരണം. താല്പര്യമുളളവർ അസ്സൽ സർട്ടിഫിക്കറ്റുകളുമായി എത്തണമെന്ന് സർവ്വകലാശാല അറിയിച്ചു.