കേരള പ്രവേശന പരീക്ഷ കമ്മീഷണർ (CEE KERALA) കേരള മാനേജ്മന്റ് ആപ്റ്റിട്യൂഡ് ടെസ്റ്റ് – KMAT 2023 രജിസ്ട്രേഷന് അപേക്ഷ ക്ഷണിച്ചു. വിദ്യാർത്ഥികൾക്ക് cee.kerala.gov.in എന്ന ഓദ്യോഗിക വെബ്സൈറ്റിലൂടെ അപേക്ഷ സമർപ്പിക്കാം. ജനുവരി 18 ആണ് അവസാന തീയതി. ഫെബ്രുവരി 19 ന് പരീക്ഷ നടക്കും.
ജനറൽ വിഭാഗത്തിന് 1000 രൂപയും, എസ് സി/ എസ് ടി വിഭാഗത്തിന് 750 രൂപയുമാണ് അപേക്ഷ ഫീ. ആർട്സ്, സയൻസ്, എഞ്ചിനീയറിംഗ്, കോമേഴ്സ്, മാനേജ്മന്റ് വിഷയങ്ങളിൽ 3 വർഷ ഡിഗ്രിയോ, തത്തുല്യ യോഗ്യതയോ ഉള്ള വിദ്യാർത്ഥികൾക്ക് KMAT 2023 പരീക്ഷയ്ക്ക് അപേക്ഷിക്കാം. അവസാന വർഷ പരീക്ഷ എഴുതി ഫലം കാത്തിരിക്കുന്ന വിദ്യാർത്ഥികൾക്കും അപേക്ഷിക്കാവുന്നതാണ്.
എങ്ങനെ രജിസ്റ്റർ ചെയ്യാം?
- cee.kerala.gov.in എന്ന ഔദ്യോഗിക വെബ്സൈറ്റിൽ പ്രവേശിക്കുക.
- KMAT 2023 Online Application എന്ന ലിങ്കിൽ ക്ലിക്ക് ചെയ്യുക.
- ഇൻഫർമേഷൻ ബ്രോഷർ കൃത്യമായി വായിച്ച ശേഷം REGISTER ടാബിൽ ക്ലിക്ക് ചെയ്യുക.
- അടിസ്ഥാന വിവരങ്ങൾ നൽകി രജിസ്റ്റർ ചെയ്യുക.
- തുടർന്ന് ലഭിക്കുന്ന അപ്ലിക്കേഷൻ നമ്പറും പാസ്വേർഡും ഉപയോഗിച്ച് ലോഗിൻ ചെയ്യുക.
- KMAT അപ്ലിക്കേഷൻ ഫോം പൂരിപ്പിച്ച് ആവിശ്യമായ ഡോക്യൂമെന്റുകൾ അപ്ലോഡ് ചെയ്യുക.
- ഓൺലൈനായി ഫീ അടച്ച ശേഷം ഡോക്യൂമെന്റസ് അപ്ലോഡ് ചെയ്യുക.
- അക്നോളെജ് പേജ് ഡൗൺലോഡ് ചെയ്ത് പ്രിന്റൗട്ട് എടുത്ത് സൂക്ഷിക്കുക.