ചികിത്സാ ഉപകരണങ്ങളുടെ ഡോക്ടര്‍

വൈദ്യശാസ്ത്ര രംഗത്ത് ഡോക്ടർമാർ ഉപയോഗിക്കുന്ന ആരോഗ്യ പരിചരണ, രോഗനിർണയ, ചികിത്സാ ഉപകരണങ്ങളുടെ ഡോക്ടറാണ് മെഡിക്കൽ ഇലക്ട്രോണിക്സ് എൻജിനീയർ. ജീവശാസ്ത്രവും വൈദ്യശാസ്ത്രവും എൻജിനീയറിങ്ങുമായി സംയോജിപ്പിച്ച് വിവിധ മേഖലകളിലെ ശാസ്ത്രജ്ഞന്മാരുടെ സഹായത്തോടെ രൂപകല്പന ചെയ്ത് വികസിപ്പിച്ച് ഉപകരണങ്ങൾ നിർമ്മിക്കുന്നത് മെഡിക്കൽ ഇലക്ട്രോണിക്സ് എൻജിനീയർമാരാണ്. കൃത്രിമ അവയവങ്ങളുടെയും അവയവങ്ങൾക്ക് പകരമാകുന്ന ഉപകരണങ്ങളുടെയുമെല്ലാം സൃഷ്ടാക്കളും സംരക്ഷകരും ഇവരാണ്.

രോഗനിർണയത്തിനായി എം.ആർ.ഐ., ഇ.സി.ജി., ഇ.കെ.ജി., സി.ടി., അൾട്രാ സൗണ്ട്, ടോമോഗ്രഫി, ഒപ്റ്റിക്കൽ മൈക്രോസ്കോപ്പി, ഇലക്ട്രോൺ മൈക്രോസ്കോപി തുടങ്ങിയവയ്ക്കായുള്ള ഉപകരണങ്ങളുടെ രൂപകല്പനയും നിർമ്മാണവും വിവിധ സാഹചര്യങ്ങളിൽ ശരീരാവയവങ്ങൾ നഷ്ടപ്പെട്ടവർക്ക് പ്രോസ്തെറ്റിക്ക്‌സ്, രോഗകാരണങ്ങളാൽ ആവശ്യമായി വരുന്ന ടിഷ്യു ഗ്രോത്ത് എന്നിങ്ങനെ നീളുന്നു മെഡിക്കൽ ഇലക്ട്രോണിക്ക്സ് ശാഖ. പ്രൊസ്സസറുകൾ, അനലോഗ്-ഡിജിറ്റൽ സർക്ക്യൂട്ടുകൾ തുടങ്ങിയവയുടെ നിർമ്മാണം ഇതിൽ ഉൾപെടും. ശരീരശാസ്ത്രത്തെ കുറിച്ചുള്ള അറിവിനും വൈദ്യശാസ്ത്രപരമായ സാങ്കേതിക ഭാഷയിലുള്ള പരിജ്ഞാനത്തിനുമൊപ്പം വിവിധ ഉപകരണങ്ങളുടെ പ്രവർത്തനരീതിയും അറിഞ്ഞിരിക്കണം.

ഇന്ത്യയിൽ എൻജിനീയറിങ് രംഗത്ത് ഏറ്റവുമധികം തിരഞ്ഞെടുക്കപ്പെടുന്ന ശാഖകളിൽ ഒന്നാണ് ബയോ മെഡിക്കൽ എൻജിനീയറിങ്. ആസ്പത്രികൾ, ആരോഗ്യ സ്ഥാപനങ്ങൾ, ഉപകരണ നിർമ്മാണമേഖല, സർക്കാർ ഏജൻസികൾ, റിസർച്ച് ഇൻസ്റ്റിറ്റ്യൂട്ടുകൾ തുടങ്ങിയവയിൽ ജോലി ചെയ്യാവുന്നതാണ്. സങ്കീർണമായ ഉപകരണങ്ങൾ കൈകാര്യം ചെയ്യാനുള്ള നിർദ്ദേശങ്ങളും നിലവിലുള്ള ഉപകരണങ്ങളുടെ പരിഷ്‌കൃത മോഡലുകളുടെ നിർമ്മാണവുമാണ് ഇതിൽ കൈകാര്യം ചെയ്യുക. ഇന്ത്യയിലെയും വിദേശത്തെയും യൂണിവേഴ്‌സിറ്റികളിലും അദ്ധ്യാപനത്തിനായി ഉദ്യോഗാർത്ഥികൾക്ക് അവസരമുണ്ട്. 4 വർഷമുള്ള ബയോ മെഡിക്കൽ എൻജിനീയറിങ് കോഴ്‌സ് പഠിക്കാനുള്ള അടിസ്ഥാന യോഗ്യത പ്ലസ് ടു ആണ്. ക്ലിനിക്കൽ എൻജിനീയർ, ബയോ മെറ്റീരിയൽ എൻജിനീയർ, പേറ്റന്റ് അനലിസ്റ്റ്, ബയോ മെക്കാനിക്‌സ് എൻജിനീയർ, ബയോ ഇൻസ്ട്രമെന്റേഷൻ എൻജിനീയർ എന്നിവയ്ക്കെല്ലാമുപരി അദ്ധ്യാപകനായും റിസർച്ച് സയന്റിസ്റ്റായും ഈ മേഖലയിൽ ജോലി നോക്കാവുന്നതാണ്.

ബംഗളൂരുവിലെ ഡോ. അംബേദ്ക്കർ ഇൻസ്റ്റിറ്റ്യൂട്ട് ഓഫ് ടെക്നോളജി, ബി.എം.എസ്. കോളേജ് ഓഫ് എൻജിനീയറിങ്, എം.എസ്.രാമയ്യ ഇൻസ്റ്റിറ്റ്യൂട്ട് ഓഫ് ടെക്നോളജി, ശ്രീ ബെലി മാതാ സ്റ്റേറ്റ് ഇൻസ്റ്റിറ്റ്യൂട്ട് ഓഫ് ടെക്നോളജി, ന്യൂഡൽഹിയിലെ അംബേദ്ക്കർ ഇൻസ്റ്റിറ്റ്യൂട്ട് ഓഫ് ടെക്നോളജി, കലിംഗ  ഇൻസ്റ്റിറ്റ്യൂട്ട് ഓഫ് ഇൻഡസ്ട്രിയൽ ടെക്നോളജി, കൊല്ലം ടി.കെ.എം. ഇൻസ്റ്റിറ്റ്യൂട്ട് ഓഫ് ടെക്നോളജി, തൃശ്ശൂർ സഹൃദയ കോളേജ് ഓഫ് എൻജിനീയറിങ് ആൻഡ് ടെക്നോളജി, പഞ്ചാബ് ലൗലി പ്രൊഫെഷണൽ യൂണിവേഴ്‌സിറ്റിഎന്നീ സ്ഥാപനങ്ങളിൽ ബയോ മെഡിക്കൽ എൻജിനീയറിങ് കോഴ്‌സ് പഠിക്കാം.

LEAVE A REPLY

Please enter your comment!
Please enter your name here

Must Read

- Advertisment -

Latest Posts

മാധ്യമ പ്രവർത്തകരായിക്കൂടെ

Lorance Mathew Industries Extension Officer, Dept. of Industries and Commerce, Govt. of Kerala.  [email protected] കാഴ്ചയുടെ മൂന്നാം കണ്ണ് എന്ന് വിശേഷിപ്പിക്കാം മാധ്യമ പ്രവർത്തനത്തെ. സമയ ബന്ധിതമല്ലാത്ത ജോലിയല്ലാത്തതിനാൽ മടിയന്മാർക്കുള്ളതല്ല ഈ മേഖല. ഏത്...

കൊമേഴ്സ്യൽ പൈലറ്റ് – ഉയരങ്ങളിലെ കരിയർ

Lorance Mathew Industries Extension Officer, Dept. of Industries and Commerce, Govt. of Kerala.  [email protected] യാത്രക്കാരേയും ചരക്കു സാമഗ്രകികളേയും വഹിച്ചു കൊണ്ടുള്ള വിമാനങ്ങൾ പറത്തുന്ന പൈലറ്റുമാരെയാണു കൊമേഴ്സ്യൽ പൈലറ്റ് എന്ന് വിളിക്കുന്നത്. നല്ല ആശയ...

ചാവക്കാട് താലൂക്ക് ആശുപത്രിയിൽ ഡയാലിസിസ് ടെക്‌നീഷ്യൻ നിയമനം

ചാവക്കാട് താലൂക്ക് ആശുപത്രിയിലേക്ക് ഡയാലിസിസ് ടെക്‌നീഷ്യൻ, ക്ലാർക്ക്, ഡയാലിസിസ് സ്റ്റാഫ് നഴ്‌സ്, ഫാർമിസ്റ്റ്, ഡ്രൈവർ എന്നീ തസ്തികകളിൽ താൽക്കാലിക നിയമനം നടത്തുന്നു. ഡയാലിസിസ് ടെക്‌നീഷ്യൻറെ അഭിമുഖം മെയ് 28നു രാവിലെ 11മണിക്കും ,...

ഇ എസ് ഐ ആശുപത്രിയിൽ മെഡിക്കൽ ഓഫീസർ

കൊല്ലം, കോട്ടയം ജില്ലകളിലെ വിവിധ ഇ എസ് ഐ ഡിസ്പെൻസറികളിലും ആശുപത്രികളിലും അലോപ്പതി വിഭാഗം മെഡിക്കൽ ഓഫീസർമാരുടെ ഒഴിവുകളിലേക്ക് താൽക്കാലിക നിയമനം നടത്തുന്നു. എം.ബി.ബി.എസും നിലവിലുള്ള രജിസ്ട്രേഷനുമാണ് യോഗ്യത. അഭിമുഖം വഴിയാണ് ഉദ്യോഗാർഥികളെ...

ലബോറട്ടറി ടെക്നീഷ്യന്‍ ഇന്റര്‍വ്യൂ

ജില്ലയിലെ ആരോഗ്യ വകുപ്പില്‍ ലബോറട്ടറി ടെക്നീഷ്യന്‍ ഗ്രേഡ് II (എന്‍സിഎ-എല്‍സി/എഎല്‍) (കാറ്റഗറി നമ്പര്‍. 016/2018) തസ്തികയുടെ തെരഞ്ഞെടുപ്പിനായി  അപേക്ഷ സമര്‍പ്പിച്ച ഉദ്യോഗാര്‍ഥികള്‍ക്കുള്ള ഇന്റര്‍വ്യൂ മെയ് 17 ന് കേരള പബ്ലിക് സര്‍വീസ് കമ്മീഷന്റെ...